ಶಾರೂಖ್ ಖಾನ್ ನೆಟ್‌ವರ್ಥ್, ಆದಾಯ ಮತ್ತು ಜೀವನಶೈಲಿ: ಚಲನಚಿತ್ರರಂಗದಿಂದ ವಯಕ್ತಿಕ ಯಶಸ್ಸಿನವರೆಗೆ
Shah Rukh Khan networth: ಭಾರತದಲ್ಲಿಯಷ್ಟೇ ಅಲ್ಲ, ಶಾರೂಖ್ ಖಾನ್‌ರ ಯಶಸ್ಸಿನ ಕಥೆಯನ್ನು ಜಾಗತಿಕ ಮಟ್ಟದಲ್ಲಿಯೂ ಮೆಚ್ಚಲಾಗುತ್ತದೆ. ಒಂದು ಸಾಧಾರಣ ಕುಟುಂಬದಿಂದ ಶುರುವಾಗಿ ವಿಶ್ವದ ಶ್ರೀಮಂತ ನಟರಲ್ಲಿ ಒಬ್ಬರಾದ ಶಾರೂಖ್ ಖಾನ್ ಅವರ ಜೀವನವು ಯುವಕರಿಗೆ ಪ್ರೇರಣಾದಾಯಕವಾಗಿದೆ. ಈ ಲೇಖನದಲ್ಲಿ ನಾವು ಶಾರೂಖ್ ಖಾನ್ ಅವರ ಸಂಪತ್ತು, ಆದಾಯ ಮೂಲಗಳು ಮತ್ತು ಜೀವನದ ಕಥೆಯನ್ನು ತಿಳಿಯೋಣ.
ಬಾಲ್ಯ ಮತ್ತು ಹಿನ್ನೆಲೆ
ನವೆಂಬರ್ 2, 1965 ರಂದು ದೆಹಲಿಯಲ್ಲಿ ಜನಿಸಿದ ಶಾರೂಖ್ ಖಾನ್ ಮಧ್ಯಮವರ್ಗದ ಕುಟುಂಬದಲ್ಲಿ ಬೆಳೆದವರು. ಕಿರಿಯ ವಯಸ್ಸಿನಲ್ಲಿ ತಂದೆಯ ಕಳೆದುಕೊಂಡ ಅವರು ಬಾಲ್ಯದಿಂದಲೇ ಅನೇಕ ಕಠಿಣತೆಗಳನ್ನು ಎದುರಿಸಿದ್ದಾರೆ. ಅವರು ಸೇಂಟ್ ಕೊಲಂಬಾ ಶಾಲೆಯಲ್ಲಿ ಓದಿ, ನಂತರ ಹನ್ಸ್‌ರಾಜ್ ಕಾಲೇಜಿನಲ್ಲಿ ಆರ್ಥಿಕ ಶಾಸ್ತ್ರದಲ್ಲಿ ಪದವಿ ಪಡೆದರು. ಬಳಿಕ ಜಾಮಿಯಾ ಮಿಲ್ಲಿಯಾ ಇಸ್ಲಾಮಿಯಾ ವಿಶ್ವವಿದ್ಯಾಲಯದಲ್ಲಿ ಮಾಸ್ ಕಮ್ಯುನಿಕೇಶನ್ ಮಾಡುತ್ತಿದ್ದು, ಆದರೆ ನಟನೆಯ ಆಸೆಯಿಂದ ಮಧ್ಯದಲ್ಲಿ ಓದನ್ನು ಬಿಟ್ಟು ನಟನೆಯತ್ತ ವಾಲಿದರು.
ಬಾಲಿವುಡ್ ಪ್ರವೇಶ ಮತ್ತು ಯಶಸ್ಸು
1992ರಲ್ಲಿ ದೀವಾನಾ ಚಿತ್ರದಿಂದ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದ ಶಾರೂಖ್ ಖಾನ್, ಬಳಿಕ ಒಂದೇ ಒಂದು ಹಿನ್ನಡೆಯಿಲ್ಲದೆ ಯಶಸ್ಸಿನ ಹಾದಿ ಹಿಡಿದರು. ಡಿಡಿಎಲ್ಜೆ , ಕುಚ್ ಕುಚ್ ಹೊತಾ ಹೈ, ದೇವದಾಸ್, ಚಕ್ ದೆ ಇಂಡಿಯಾ ಹಾಗೂ ಮೈ ನೇಮ್ ಇಸ್ ಖಾನ್ ಮೊದಲಾದ ಅನೇಕ ಸೂಪರ್‌ಹಿಟ್‌ ಚಿತ್ರಗಳ ಮೂಲಕ ಅವರು ತನ್ನನ್ನು ‘ಬಾಲಿವುಡ್‌ನ ಬಾದ್‌ಶಾ ’ನಾಗಿ ನೆಲೆಯೂರಿದರು.
ಆಯಾ ಪಾತ್ರಗಳಿಗನುಗುಣವಾಗಿ ತಮ್ಮನ್ನು ತಾವು ಬದಲಾಯಿಸುವ ಸಾಮರ್ಥ್ಯ, ಶಾರೂಖ್ ಖಾನ್‌ರನ್ನು ಇತರ ಕಲಾವಿದರಿಂದ ಮೇಲಿನ ಸ್ಥರಕ್ಕೆ ಕೊಂಡೊಯ್ದಿದೆ. ಪ್ರೇಮಪಾತ್ರಗಳ ಜೊತೆ ಜೊತೆಗೆ, ಬಾಝಿಗರ್ ಮತ್ತು ಡಾನ್‌ನಂತಹ ನಕಾರಾತ್ಮಕ ವಿಲನ್ ಪಾತ್ರಗಳಲ್ಲಿಯೂ ಸಹ ಅವರು ಮೆರೆದಿದ್ದಾರೆ.
ಶಾರೂಖ್ ಖಾನ್ ಅವರ ನೆಟ್‌ವರ್ಥ್ – 2025
2025ರ ವೇಳೆಗೆ, ಶಾರೂಖ್ ಖಾನ್‌ರ ನೆಟ್‌ವರ್ಥ್ ಸುಮಾರು $750 ಮಿಲಿಯನ್ (₹6400 ಕೋಟಿ) ಎಂದು ಅಂದಾಜಿಸಲಾಗಿದೆ. ಅವರು ವಿಶ್ವದ ಅತೀ ಶ್ರೀಮಂತ ನಟರಲ್ಲಿ ಒಬ್ಬರಾಗಿ ಪರಿಗಣಿಸಲ್ಪಡುತ್ತಾರೆ.
ಅವರ ಸಂಪತ್ತು ಕೇವಲ ನಟನೆಯಲ್ಲ; ಅವರು ಯಶಸ್ವಿ ಉದ್ಯಮಿಯಾಗಿಯೂ ಬೆಳದಿದ್ದಾರೆ.
ರೆಡ್ ಚಿಲ್ಲೀಸ್ ಎಂಟರ್ಟೈನ್ಮೆಂಟ್ ಎಂಬ ನಿರ್ಮಾಣ ಹಾಗೂ VFX ಕಂಪನಿಯನ್ನು ಸ್ಥಾಪಿಸಿರುವ ಅವರು, ಕೊಲ್ಕತ್ತಾ ನೈಟ್ ರೈಡರ್ಸ್ (KKR) ಎಂಬ ಐಪಿಎಲ್ ತಂಡದ ಸಹ ಮಾಲಿಕರಾಗಿದ್ದಾರೆ.
ಆದಾಯದ ಮೂಲಗಳು
ಚಿತ್ರಗಳು: ಪ್ರತಿಯೊಂದು ಚಿತ್ರಕ್ಕೂ ₹80–₹100 ಕೋಟಿ ದುಡಿಯುತ್ತಾರೆ ಮತ್ತು ಲಾಭ ಹಂಚಿಕೆಯಲ್ಲಿ ಸಹ ಭಾಗವಹಿಸುತ್ತಾರೆ.
ಜಾಹೀರಾತುಗಳು: ಪೆಪ್ಸಿ, ಹ್ಯುಂಡೈ, ಟ್ಯಾಗ್ ಹ್ಯುಯರ್ ಮುಂತಾದ ಬ್ರಾಂಡ್‌ಗಳಿಗೆ ₹4–₹10 ಕೋಟಿ ಆದಾಯ ಗಳಿಸುತ್ತಾರೆ.
ಉತ್ಪಾದನಾ ಸಂಸ್ಥೆ: ರೆಡ್ ಚಿಲ್ಲೀಸ್ ಮೂಲಕ ಚಿತ್ರ ನಿರ್ಮಾಣ, ಓಟಿಟಿ ಮತ್ತು VFX ಸೇವೆಗಳ ಮೂಲಕ ಲಕ್ಷಾಂತರ ಆದಾಯ.
ಐಪಿಎಲ್ ತಂಡ: ಕೆಕೆಆರ್ ತಂಡದ ಮೌಲ್ಯ ₹1000 ಕೋಟಿ ಮೀರುವಷ್ಟಿದೆ.
ಆಸ್ತಿ ಹೂಡಿಕೆಗಳು: ಮುಂಬೈಯ ಮನ್ನತ್ ಬಂಗಲೆಯಿಂದ ಹಿಡಿದು ದುಬೈ, ಲಂಡನ್, ದೆಹಲಿ ಮುಂತಾದ ಅನೇಕ ಸ್ಥಳಗಳಲ್ಲಿ ಬಂಡವಾಳ ಹೂಡಿಕೆ ಮಾಡಿದ್ದಾರೆ.
ವೈಯಕ್ತಿಕ ಜೀವನ
1991ರಲ್ಲಿ ಗೌರಿ ಖಾನ್‌ರನ್ನು ವಿವಾಹವಾಗಿರುವ ಶಾರೂಖ್ ಅವರಿಗೆ ಆರ್ಯನ್, ಸುಹಾನಾ ಮತ್ತು ಅಬ್ರಹಾಂ ಎಂಬ ಮೂರು ಮಕ್ಕಳು ಇದ್ದಾರೆ. ಶಾರೂಖ್ ಖಾನ್ ವೈಭೋಗದ ಬದುಕು ಇದ್ದರೂ ಕೂಡ, ಕುಟುಂಬವನ್ನು ಪ್ರೀತಿಸುವ, ಭಾವನಾತ್ಮಕ ವ್ಯಕ್ತಿತ್ವ ಹೊಂದಿದವರು ಎನ್ನುತ್ತಾರೆ ಅವರ ಅಭಿಮಾನಿಗಳು.
ಅವರು ವಿವಿಧ ಸಾಮಾಜಿಕ ಕಾರ್ಯಗಳಲ್ಲಿ ಕೂಡ ತೊಡಗಿಸಿಕೊಂಡಿದ್ದಾರೆ – ಮೀರ್ ಫೌಂಡೇಶನ್ ಮೂಲಕ ಮಹಿಳಾ ಸಬಲೀಕರಣ, ಶಿಕ್ಷಣ, ಆರೋಗ್ಯ ಮುಂತಾದ ಕ್ಷೇತ್ರಗಳಲ್ಲಿ ಸಹಾಯ ಮಾಡುತ್ತಾರೆ.
ಪ್ರಶಸ್ತಿಗಳು ಮತ್ತು ಗೌರವ
14 ಫಿಲ್ಮ್‌ಫೇರ್ ಪ್ರಶಸ್ತಿಗಳನ್ನು ಗೆದ್ದಿರುವ ಶಾರೂಖ್ ಖಾನ್, ಭಾರತ ಸರ್ಕಾರದಿಂದ 2005ರಲ್ಲಿ ಪದ್ಮಶ್ರೀ ಗೌರವವನ್ನು ಪಡೆದಿದ್ದಾರೆ. ಟೈಮ್ ಮ್ಯಾಗಝಿನ್, ಫೋರ್ಬ್ಸ್ ಲಿಸ್ಟ್ ಮುಂತಾದ ಜಾಗತಿಕ ಪಟ್ಟಿಗಳಲ್ಲಿಯೂ ಅವರು ಸ್ಥಿರ ಸ್ಥಾನ ಪಡೆದಿದ್ದಾರೆ.
ಶಾರುಖ್ ಖಾನ್ ಮೌಲ್ಯ ಕೇವಲ ಹಣದ ಅಳತೆ ಅಲ್ಲ, ಅದು ಹಠ, ಛಲ, ಪ್ರತಿಭೆ, ಬುದ್ಧಿಮತ್ತೆ ಮತ್ತು ದಶಕಗಳ ಶ್ರಮದ ಪ್ರತಿಫಲ. ಚಲನಚಿತ್ರರಂಗವನ್ನು ಮೀರಿ ಉದ್ಯಮ, ಕ್ರಿಕೆಟ್ ಮತ್ತು ಸಾಮಾಜಿಕ ಕಾರ್ಯಗಳಲ್ಲಿ ನಿಖರವಾಗಿ ಗುರುತಿಸಿಕೊಂಡ ಖಾನ್, ಪ್ರೇರಣೆಯ ಜೀವಂತ ಸಂಕೇತ.
